Бугарија го предложи Желјазко Радуков за амбасадор во Македонија од позиција на организациски секретар на мешовитата комисија за историски и образовни прашања, објавија бугарските медиуми.

На актуелниот амбасадор во Скопје, Ангел Ангелов, мандатот му завршува во јуни 2024 година.

Дипломатот од кариера е предлог на бугарската вицепремиерка и министерка за надворешни работи Марија Габриел.

Радуков, освен што е дипломат, ја извршува и функцијата организациски секретар на бугарскиот дел од заедничката мултидисциплинарна експертска комисија за историски и образовни прашања меѓу Македонија и Бугарија.