Гласините дека има повеќе од пријателство меѓу најуспешниот возач во Формула 1, Луис Хамилтон (38) и пејачката Шакира (46), сега се поткрепени со папарацо фотографии од јахта.
Колумбијката, која минатата година се разведе од Жерар Пике, претходниот викенд го мина на Формула 1 трката во Мајами, каде што и сега престојува. Во таа прилика се сретнала со актерот Том Круз, поради што веднаш почна да се озборува дека има нешто меѓу нив, но се чини дека причината за нејзиниот престој бил друг маж.
Откако беа снимени вечерта во ресторан, сега се појавија и фотографии од јахта во Мексиканскиот залив.
На нив се гледа рекордерот по бројот на освоени титули во Формула 1 како и помага на атрактивната пејачка да се качи на јахтата, откако дошле во задниот дел од нејзината вила во Мајами Бич да ја земат. Потоа седат еден до друг во неврзан разговор додека возат по заливот Бискејн.
Забележливо е дека цело време не ја симнаа насмевката од лицето. Со нив беа и децата на Шакира од бракот со Пике, како и пријателите на Хамилтон.
Хамилтон е познат како голем плејбој, кој смени многу девојки од шоубизот, со посебна слабост кон пејачките. Тој беше во повеќегодишна врска со Никол Шерцингер, се шпекулираше дека се забавувал со Ријана и Рита Ора, а исто така имал љубовна врска со Ники Минаж.
Што се однесува до Шакира, нејзината приказна за разводот со поранешен фудбалер и неговото изневерување ги наполни светските медиуми во текот на минатата година.
