Требало денеска да ја напушти Клиниката за Гинекологија со својот првороден син, но направила чекор што го менува текот на среќниот настан. Родилка од Скопје , на 39 годишна возраст, синоќа скоснала од први кат од Гинекологија, три дена откако се породила. По породувањето со царски рез мајката и бебето биле во добра здравствена состојба. Но, родилката во петокот се пожалила на мала вознемиреност и разговарала со клинички психолог, по што состојбата и се следела. Во саботата била добро, а вознемирувањето и се повторило вчера наутро, велат од Клиниката за Гинекологија.

НА УТРИНСКАТА ВИЗИТА ПАЦИЕНТКАТА СЕ ПОЖАЛИЛА НА СЛИЧНА СИМТОМАТОЛОГИЈА, КАКО И НА ДЕН 30.06. ПРИ ШТО ДЕЖУРНИТЕ ЛЕКАРИ ИЗВРШИЛЕ РАЗГОВОР СО НЕА. ОРДИНИРАНА Е СООДВЕТНА ТЕРАПИЈА И ДОНЕСЕНА Е ОДЛУКА ЗА ПОДОБРА ПРОЦЕНКА НА СОСТОЈБАТА. ПРЕД ИСПИС ДА СЕ ПОВИКА ПСИХИЈАТАР. ВО ПОНАТАМОШНИОТ ТЕК ОД ВЧЕРАШНОТО ДЕЖУРСТВО ПРОДОЛЖЕНИ СЕ ДНЕВНИТЕ АКТИВНОСТИ И РАБОТНИ ОБВРСКИ НА ДЕЖУРНАТА ЕКИПА, БЕЗ ДОПОЛНИТЕЛНО ВЛОШУВАЊЕ НА СОСТОЈБАТА НА РОДИЛКАТА, ВЕЛИ ОРГАНИЗАЦИСКИОТ ДИРЕКТОР НА КЛИНИКАТА ЈЕТОН ШАЌИРИ.

Таа била сместена во една од собите за родилки, каде прозорците не се отвораат. Па, за фаталниот скок синоќа околу 21:30 часот искористила прозорец од ходникот на зградата што може да се отвори. Од Гинекологија велат дека не е решение прозорците на Клиниката секаде да бидат затворени.

НИКАДЕ ПРОЗОРЦИТЕ НЕ СЕ ЗАБАРИКАДИРАНИ, НЕ СЕ ЗАТВОРЕНИ. НЕ МОЖЕМЕ НИЕ ДА ГИ ЧУВАМЕ ПАЦИЕНТКИТЕ ВО ЗАТВОРЕН ПРОСТОР КАКО ДА НИ СЕ ЗАТВОРЕНИЦИ. СЕПАК ТОА E УБАВ МОМЕНТ И НИКАДЕ ВО СВЕТОТ ТОА НЕ Е ПРАКСА. НЕ Е ВО РЕД. И НИЕ ТОА ГО ПРАШУВАВМЕ, ДАЛИ МОЖЕ ПО ОВОЈ НАСТАН ДА СЕ ЗАТВОРАТ ПРОЗОРЦИТЕ, ЗБОРУВАВ ЈАС И СО ПСИХИЈАТРИ, ЗБОРУВАВ СО ЛУЃЕ КОИ СЕ КОМПЕТЕНТНИ ЗА ТОА. И ТИЕ ВЕЛАТ ДЕКА ТАКА ПАЦИЕНТКИТЕ СЕКАКО НЕМА ДА СЕ ЧУВСТВУВААТ ДОБРО, ВЕЛИ ДИРЕКТОРКАТА ВИКТОРИЈА ЈОВАНОВСКА.

Вознемиреност кај родилки не е ретка појава,а жената немала тешки психички проблеми, вели директорката Јовановска. Таа разговарала со директорот на Психијатрија, да доаѓа барем еднаш неделно нивен кадар во Гинекологија на разговори со родилките, но тоа е сепак табу тема и не се знае како пациентките ќе го прифатат тоа. Треба согласност и од Министерството за здравство, дополни Јовановска.

По падот, жената итно била префрлена на КАРИЛ, каде била оперирана . Сличајот е пријавен во МВР, потврдија од таму, но велат дека за вакви настани не даваат повеќе детали. Од здобиените повреди, по операцијата , родилката е во тешка , животозагрозувачка ситуација, кажаа од Гинекологија, повикувајќи се на информации од КАРИЛ.