Натали Портман за прв пат се појави во јавноста по гласините дека нејзиниот сопруг, францускиот балетан Бенџамин Милепиед, ја изневерил со 25-годишната Французинка Камил Етјен.
Актерката е снимена на трибините на стадионот Парк на Принцовите во Париз.
Го гледаше фудбалскиот натпревар помеѓу ПСЖ и Клермон Фут 63. Портман изгледаше како да е расположена и ја задржа насмевката на лицето иако нејзиниот сопруг не беше покрај неа. Таа се појави во сива јакна и бела кошула и носеше темни очила и црвен кармин.
Да потсетиме, бракот на Натали Портман наводно бил пред колапс откако францускиот магазин Voici објави фотографии од 45-годишниот поранешен балетан како се дружи со 25-годишната климатска активистка Камил Етјен, пријателка на Грета Тунберг.
