Меган Маркл се врати на Инстаграм подготвена за нејзиниот „онлјан камбек“.
Војвотката од Сасекс, која го прослави својот 42 роденден, веќе има нешто повеќе од 27.000 следбеници, и покрај фактот што никогаш не објавила ништо.
Профилот на Меган на Инстаграм ќе го најдете како @meghan, а на профилната слика има розови цвеќиња.
Маркл имала преговори со голем број брендови за работа и сакала да потпише со луксузни златарници како „Картие“(Cartier), кои стравуваат дека каков било договор може да го налути кралското семејство.
Маркл откри дека размислувала за идејата да се врати на социјалните мрежи во нејзиното интервју за „The Cut“ минатиот август: „Дали сакате да знаете некоја тајна? Ѝ се обрати Меган на писателката Алисон П. Дејвис: „Се враќам… на Инстаграм“.
Како актерка на „Suits“, таа имала потенцијално успешен Инстаграм профил и имала блог за патувања и начин на живот наречен „Тиг“, но се откажа од тоа кога се омажи за принцот Хари.
„Тоа беше големо прилагодување – огромно прилагодување да се оди од тој вид на автономија во поинаков живот“, изјави таа за „The Cut“.
Таа им се придружи на Хари, принцот Вилијам и Кејт Мидлтон на нивниот заеднички Инстаграм, @KensingtonRoyal, кога се приклучи на кралското семејство.
Потоа, таа и Хари лансираа сопствен профил на Инстаграм @sussexroyal во април 2019 година, еден месец пред да се роди нивниот син Арчи.
За шест часа достигнаа 1 милион следбеници.
Но, парот го затвори набргу откако го напуштија кралското семејство во март 2020 година.
