Професорката Мирјана Најчевска на Фејсбук коментира дека не е многу заинтересирана за тоа колкава казна ќе добие некој кој ја злоупотребил функцијата.

Таа смета дека треба да има поригорозни мерки.

„Да ви кажам право јас лично не сум премногу заинтересирана за тоа колкава затворска казна ќе биде досудена на некој кој ја злоупотребил функцијата. Многу повеќе ме интересира да се донесе пресуда со која ќе се направи неисплатлив криминалот.

Најдобар начин ова да се постигне е со конфискација на целиот противправно стекнат имот. За мене противправно стекнат имот на еден функционер е целокупниот имот стекнат во време на обавувањето на функцијата, а кој ги надминува вредностите на платата која ја добива за овој период од државата. Значи се што не можело да биде купено со парите од платата е противправно стекнат имот. Ова се однесува и на членовите на потесното семејство на функционерот. Парите лесно се следат само ако се сака“, пишува Најчевска.

Додава дека само криминални структури во власта не сакаат да го започнат овој процес.