Нашата најдобра тенисерка ќе игра полуфинале во двојки на турнирот во Хешинген

Најдобрата македонска тенисерка Лина Ѓорческа заедно со Алена Фомина изборија пласман во полуфиналето на ИТФ фјучерсот вреден 60.000 долари во Хешинген, Германија.

По елиминацијата во осминафиналето во сингл, македонско-руската комбинација во игра на двојки славеше во четвртфиналето над Михаела Бајерлова (Чешка) и Анастасија Золотарева (Русија) со 2-0, во сетови 6-2 и 6-3, по еден час игра на теренот број три.

Магдалена Стоилковска, пак, го заврши настапот на фјучрсот во Савитаипале, Финска, по поразот од Маргарита Игнатјева од Летонија со 2-0 во сетови (6-3, 6-4).

Горазд Србљак во Нови Сад загуби од четвртиот носител Флоран Бакс од Франција.