Минерали и витамини како чувари на имунолошкиот систем
Во текот на летниот период, екстремните горештини се честа причина за зголемен замор, исцрпеност и зголемен крвен притисок. Дополнително, поради зголемена физичка активност, може да се појават и грчеви во мускулите. Падот на имунитетот го изложува телото на поголем ризик. Витамините и минералите играат важна улога во спречувањето и зачувувањето на функцијата на имунолошкиот систем. Комбинацијата на витамини и минерали, која содржи минерал магнезиум, витамини Б1, Б6, К2 и фолати, придонесува за правилно функционирање на мускулите, вклучително и срцето, како и за зачувување на здравјето на кардиоваскуларниот систем. Витаминот Д3 е сојузник во служба на зајакнување на имунитетот, коските и влијае на подобро расположение. Важно е и внесувањето на витамин Б12, кој придонесува за нормален метаболизам, намалување на замор и исцрпеност, формирање на црвени крвни зрнца и оптимално функционирање на нервниот систем.
Исхрана и хидратација
Да не заборавиме и на внесување на доволна количина течности, а експертите препорачуваат 2,2-3,7 литри дневно, како и внесување на храна како краставица, лубеница и зелена салата. Хидратацијата е сложен процес во организмот и бара електролити, бидејќи тие придонесуваат за апсорпција на хранливи материи, витамини и минерали од храната што ја јадеме. Употребата на раствор на гликоза-електролит за рехидратација ја помага апсорпцијата на водата што ја внесуваме во телото.
Пробиотиците како задолжителен придружник
Колку се важни пробиотиците за здравјето, покажува самиот збор пробиотик, изведен од зборовите „про“ и „биос“, што значи „за живот“. Не е новост дека пробиотиците се семејни сојузници на одмор. Позитивно делуваат на здравјето на цревата и на целиот организам, а пожелно е да се користат превентивно со правилна исхрана и физичка активност. Без разлика дали поради климатските промени или расипување на храната на високи температури, повраќањето и дијареата се чести, особено на пат. На пат важно е да се има и аналгетици и антипиретици, во случај на болка или инфекции, а тоа се и производи кои околу 2/3 од граѓаните дефинитивно ги имаат во домашните аптеки, врз основа на истражување спроведено од Галеника на крајот од 2022 година.
Важноста на физичката активност
Свеста за придобивките од физичката активност расте: затоа советот на стручњаците е да го одржувате телото во добра физичка кондиција, бидејќи на тој начин побрзо и полесно се бори против можните вирусни и бактериски инфекции.
Нега на кожа
Алергии, изгореници од сонце, каснувања од инсекти, сува кожа – ова се само некои од ситуациите кои сите сме ги доживеале. Кожата е нашиот најголем орган, на кој многу влијаат надворешните фактори, особено во лето. Кожата е изложена на влијанието на сончевите зраци, како и на штетното УВ зрачење, топлина и потење, и затоа бара зголемена грижа и превенција, како и навремена реакција во случај на потреба. Универзален сојузник за заштита и нега на кожата е добро познат препарат базиран на пантенол. Дополнително, при изгореници на кожата, секогаш треба да имате маст што содржи рибино масло, богато со витамин А, за епителизација и нега.
[/et_pb_text][/et_pb_column][/et_pb_row][/et_pb_section]