Кристин Дејвис, актерката која на пошироката јавност и е најпозната како симпатичната Шарлот од култната серија „Сексот и градот“, откри некои интимни делови од нејзиниот живот, кои се во голема контраст со ликот што го глумеше со години.

– Имаме многу различни начини на живот, знаете. Не сум мажена, никогаш не сум била во брак. Тоа не е моја работа. Никогаш не сум била фокусирана на тоа – откри таа во вторникот во епизодата од подкастот на Клиа Ширер и Џоан Теплин, пренесува People.

Тоа е сосема спротивно на ликот на Шарлот, која беше толку посветена на пронаоѓањето на совршениот маж за мажење и честопати беше нарекувана безнадежна романтичарка.

-Тоа бараше малку глума, да ви кажам. Навистина. Јас постојано велев: “Како ќе го направам ова и како ќе го направам реално и веродостојно?” – објаснува Кристин.

И покрај тоа што никогаш немала вистинска свадба, Дејвис признала дека еден од нејзините омилени моменти за снимање во шоуто бил кога нејзиниот лик се венчал со првиот сопруг д-р Треј Мекдугал, кој го игра Кајл Меклахлан.

– Јас навистина не сум девојка за венчавки, но, знаете, Шарлот го сакаше тоа, па и јас го сакав. Таа дури и доживеа да избере сопствена венчаница – заедно со костимографот на шоуто, извршните продуценти и писателите. Сигурно пробав 35 фустани од Вера Ванг. Паф победи и беше толку чудно бидејќи тоа воопшто не е моја работа – рекла актерката, пренесува People.