Еден од најдобрите македонски каратисти има официјално исполнета форма за учество на Европските игри кои ќе се организираат годинава во Полска.

Емил Павлов и единствениот македонски каратисти со трето учество на Европските игри.

– Голема чест и привилегија е за мене што ќе имам можност по трет пат во низа на европски игри да ја претставувам Македонија на највисоко ниво. Голема благодарност упатувам до сите кои веруваат во мене и на поддршката за исполнување на оваа норма – вели Павлов.

Македонскиот каратист ќе настапи во категоријата -67 кг., а во конкуренцијата за освојување на медали се наоѓаат Стивен Да Коста (Франција), Дионисиос Ксенос (Грција), Бурак Ујгур (Турција), Турал Агаларадзе (Азербејџан), Ивес Мартиал Тадиси (Унгарија) и Милош Сабицки (Полска).

Потсетување дека на Европските игри одржани во Баку во 2015 година Павлов освои бронзен медал (-60 кг.), како и Мартин Несрторовски во категоријата +84 кг.

Европските игри во Полска ќе се одржат од 21 јуни до 2 јули 2023 година, се очекува да партиципираат 48 земји и се натпреваруваат во 26 спортови.