Легендарниот актер Роберт де Ниро (79) неодамна ја шокира јавноста со тоа што случајно призна дека со Тифани Чен добил седмо дете.
Сега рече дека се уште не е време останатите негови деца да го запознаат.
Актерот моментално учествува на филмскиот фестивал „Трибека“ во Њујорк, а на новинарско прашање дали неговите постари ќерки и синови ја запознале неговата нова ќерка Џија Викторија, тој рече дека се уште не е вистинското време за тоа.
– Сеуште не, но ќе се сретнат со неа, го чекаме вистинскиот момент, многу сме, па не е лесно да се собереме сите на едно место во исто време – рече тој, а пренесува Дејли Меил.
Џија Викторија е родена на почетокот на април, а актерот дури минатиот месец откри дека ја добиле.
Да потсетиме, во едно интервју бил прашан како е да се биде татко на шест деца, на што ги поправи водителките и рече дека има седум.
Инаку, актерот откри дека бременоста била планирана.
– Бременоста беше планирана. Како не можеш да планираш такво нешто? – објасни Де Ниро на премиерата на филмот „За мојот татко“.
Покрај ќерката Џиа, Роберт ги има и ќерката Дрина (51), синот Рафаел (46), близнаците Арон и Џулијан (27), синот Елиот (25) и ќерката Хелен (11).
