Британската поп-ѕвезда Адел беше дел од многубројната публика која го проследи финалниот натпревар Супербол на Националната фудбалска лига (НФЛ) во неделата.

Сепак, пејачката не криела дека рагбито не ѝ е поле на интерес и дека таа дошла само поради настапот на нејзината сакана колешка Ријана.

За време на нејзиниот концерт во Лас Вегас минатиот викенд, Адел споделила дека планира да оди на Супербол, но само поради Ријана.

„Јас ќе одам поради Ријана. Не ми е гајле за другото“, рекла тогаш Адел.

Адел се појави во одлична модна комбинација – сиво палто од модната куќа „Фенди“, кое го искомбинира со чанта и очила за сонце од истиот бренд.

Заедно со неа беше и нејзиниот партнер, спортскиот агент Пол Рич.

Како што е општо познато, Адел и Ријана се добри пријателки.

„Всушност, јас не се сеќавам на првата прилика кога ја запознав Ријана. Веројатно, не се сеќавам поради шокот. Таа е само една година постара од мене, но јас имам впечаток дека таа е на сцената многу подолго. Прогресот на нејзиниот успех е стабилен, заслужен и многу природен. Секогаш кога се среќаваме, таа е милосрдна, лојална и забавна“, изјави Адел за Ријана во 2018 година.