Валери Залужни објави дека наводно „руски ракети од типот ‘Калибaр’ ја преминале државната граница на Украина со Молдавија и Романија“.

Како што изјави врховниот командант на украинската армија, тие влегле во воздушниот простор на тие земји.

Според него, проектилите наводно биле лансирани од руски бродови во Црното Море.

Според украинскиот генерал, две ракети влегле во воздушниот простор на Молдавија во 10.18 часот по локално време, а во 10.33 часот на територијата на Романија.

„Потоа ракетите повторно влегоа во воздушниот простор на Украина на местото каде што се спојуваат границите на тие три земји“, додаде Залузни.

Москва, како и властите во Молдавија и Романија, сè уште не се огласиле по овој повод, пренесе „Б92“.