Првиот тим на Истокот, Бостон на гости лесно славеше против Далас со 124:95 и така ја прекина низата од два порази, но и победничката низа на Маверикси од седум победи во НБА лигата.
Џејсон Тејтум имаше 29 поени, 14 скока и 10 асистенции за својот втор трипл-дабл во кариерата, додека Џејлен Браун додаде 19 поени.
Во тимот на Далас повторно најефикасен беше Лука Дончиќ кој постигна 23 поени, но словенечкиот претставник ги промаши сите шест шута за три поени.
Кошаркарите на Јута на гостински терен го победија Хјустон со 131:114, предводени од Лаури Марканен кој постигна 49 поени, што е негов рекорд во кариерата.
Најдобро го следеа Малик Бизли и Џордан Кларксон со по 19 поени, додека кај Хјустон најдобри беа Џејлен Грин со 30 и Кевин Портер со 23 поени.
НБА лига, резултати
Орландо меџик – Мемфис гризлис 115:123
Далас маверикс – Бостон селтикс 95:124
Хјустон рокетс – Јута џез 114:131
Денвер нагетс – Лос Анџелес клиперс 122:91
