Бакингемската палата потврди дека принцот Хари ќе присуствува на крунисувањето на кралот Чарлс III.

Сепак, неговата сопруга Меган Маркл ќе остане во Калифорнија.

„Бакингемската палата со задоволство потврди дека војводата од Сасекс ќе присуствува на крунисувањето во Вестминстерската опатија на 6 мај. Војвотката од Сасекс ќе остане во Калифорнија со принцот Арчи и принцезата Лилибет“, изјави портпаролот на палатата за Page Six.

Ова ќе биде прва средба на Хари со членовите на кралското семејство по објавувањето на неговата книга „Резервни“. Принцот наводно ќе престојува во Фрогмор Котиџ, кралската резиденција во која што моментално живеат принцезата Евгенија и нејзиниот сопруг.