Најмалку шест лица загинаа во големите шумски пожари што ги зафатија Големиот остров и Мауи на Хаваи. Пожарот уништи голем дел од Лахаина на Мауи, туристички и деловен центар каде живеат околу 13.000 луѓе.

Големиот шумски пожар што ги зафати Големиот остров и Мауи на Хаваите е дополнително поттикнат од ураганските ветрови.

Изгореа голем број фарми, илјадници луѓе се евакуирани, а гувернерот на Хаваи Џош Грин вели дека неизбежно ќе има смртни случаи, пренесе Си-Ен-Ен.

Крајбрежната стража евакуираше 12 лица кои спас од огнот и чадот нашле во океанот.

Властите на Хаваите ги повикуваат луѓето да ги откажат сите патувања во Мауи, бидејќи на аеродромот на островот веќе има 1.800 заглавени луѓе.

Поради чадот беа откажани многу летови, а „заглавените“ патници ноќта ја минаа на аеродромот.

Гувернерот на Хаваите Џош Грин рече дека нема доволно засолништа за долгорочен престој и дека противпожарните засолништа се достапни само неколку дена.

„Она што се обидуваме да го направиме сега е да се погрижиме секој што нема потреба да биде на Мауи, да не оди во Мауи. Ќе ги пречекаме туристите кога ќе завршат пожарите. Ни требаат што повеќе хотелски соби и други засолништа што е можно повеќе да ги вдомиме нашите луѓе“, рече тој.