Австралискиот спринтер Gout Gout возврати на критиките од олимпискиот шампион Justin Gatlin со остар коментар, откако имаше одличен настап во квалификациите на 100 метри.
18-годишниот атлетичар изјави дека „хејтерите“ го мотивираат да трча уште побрзо и да постигне нови рекорди.
Gout истрча време од 10.19 секунди (+0.3 м/с) во квалификациите на 100 метри на Австралиското јуниорско првенство во Бризбејн.
Неговиот настап доаѓа откако претходно постави извонреден резултат на 200 метри, што привлече сомнежи и критики од Гетлин. Американецот изјави дека младиот спринтер треба да се докаже надвор од Австралија:
„Мора да го направиш тоа надвор од Австралија. Покажи ни дека можеш да го направиш тоа и надвор. Секој може да трча брзо кога му е удобно, но прашањето е дали можеш да трчаш брзо кога не ти е удобно“, рече Гетлин.
Како одговор, Gout порача дека ваквите коментари само го поттикнуваат да биде подобар и да продолжи да напредува.
Младиот атлетичар сега има шанса во полуфиналето и финалето дополнително да го подобри своето време и да се приближи до историската граница од под 10 секунди на 100 метри.
