Продолжението на блокбастерот на Џејмс Камерон, „Avatar: The Way Of Water“ заработи 1,7 милијарди долари на глобално ниво и го надмина „Jurassic World“ (1,6 милијарди), како седми филм со најголема заработка во историјата.
„Avatar: The Way Of Water“ четврта недела по ред се најде на врвот на американскиот бокс-офис, со заработка од 45 милиони долари во текот на изминатиот викенд. Со оглед на тоа што заработката на глобално ниво надмина 1,7 милијарди долари, овој филм стана еден од најпрофитабилните на сите времиња.
По само 4 недели прикажување, филмот заработи 517 милиони долари во Северна Америка и 1,19 милијарди долари на светско ниво.
На меѓународно ниво, сега е петтиот филм по ред, пред него се „Avatar“, „Avengers: Endgame“, „Titanic“ и „Avengers: Infinity War“.
Според податоците на бокс-офисот „Avatar 2“ е филм со најголема заработка во 2022 година, како и втор најпрофитабилен филм во времето на пандемијата, по „Spider-Man: No Way Home“ (1,91 милијарди).
Со оваа брзина, „Avatar 2“ има шанси да надмине 2 милијарди долари низ светот, нешто што беше невозможно кога станува збор за пандемијата.
Филмови кои имаат заработено над 2 милијарди долари се „Avatar“ (2,9 милијарди долари), „Avengers: Endgame“ (2,79), „Titanik“ (2,2 ), „Star Wars: The Force Awakens“ (2,069 ) и „Avengers: Infinity War“ (2,04 милијарди долари).
Камерон е режисер на два од овие пет филма.
