200.000 евра рекорден пронајден износ на пари од страна на Единицата за службени кучиња на МВР

Низ своето повеќедециниско работење, Единицита за службени кучиња на МВР има пронајдено огромна количина на оружје и муниција и на опојни дроги, но успех има и во успешно пронаоѓање на пари во кеш кои нелегелно се пренесувале.

Во репортажата за работата на Единицата, како што инфомираа нашите соговорници, во 2019 година на граничниот премин Табановце, едно куче од Единицата успеало да пронајде 200.000 евра во кеш сокриени во посебен бункер во предниот дел од патнички автомобил, што е своевиден рекорд во последните години.

Тренингот на едно куче започнува уште по првите 30 денови од раѓањето, односно од нивното прогледување, а за што едно куче ќе се профилира да бара е процес кој трае од третиот месец до неговата прва година.

Во Единицата постојат кучиња кои се специјализирани за пронаоѓање дрога, оружје и муниција, експлозиви и пари, а со самото тоа и сторители на кривични дела.

Оние кучиња кои се повеќе темпераментни се задолжени за оружје и муниција, наркотици и пари, додека задачата за пронаоѓање експлозиви им е доверена на помалку темпераментните раси, односно најчесто на лабрадорите, но и белгиски овчари кои се со посмирен темперамент.

Во досегашната работа овие службени кучиња имаат пронајдено огромна количина на дрога, многу оружје, но и сериозен износ на пари во готовина.