Недолго по разделбата, Софи Тарнер беше фотографирана како споделува страстен бакнеж со своето ново момче. А сега нејзиниот поранешен сопруг е „фатен“ со нова девојка на одмор.
Актерката Софи Тарнер (27) неодамна беше фотографирана во Лондон со нејзината блиска пријателка Табита Доерти. Откако излегле од кафулето, тие се поздравиле, а потоа се бакнале, а ништо немало да биде необично доколку девојките не се бакнувале директно во уста.
А малку порано Софи беше забележана со наводното ново момче во Париз. Токму таму актерката беше фотографирана како се бакнува со англискиот благородник Перегрин Пирсон (29). Софи изгледаше среќно и не ја криеше насмевката додека се држеа за рака, а парот за првпат беше забележан заедно кон крајот на октомври.
Во септември, Џо Џонас (34) поднесе барање за развод од актерката, четири години по нивната венчавка. А откако се смирија меѓусебните обвинувања, пејачот реши да замине на одмор во друштво на манекенката Сторми Бри. Двојката беше фотографирана заедно на зимски одмор во Аспен, Колорадо. Џо и Сторми вечераа заедно во „Каза Туа Аспен“.
Она што особено го врзува овој потенцијален нов пар е тоа што и двајцата се родители. Додека Џонас има две ќерки од бракот со Софи, моделот Сторми Бри, чие вистинско име е Сторми Хенли има и ќерка од претходната врска со колегата Лаки Блу.
Сè уште не е официјално дали овој пар е во врска, но како што пренесува „Пејџ сикс“, на улиците на Аспен делувале многу интимно. Само неколку дена пред ова патување, Џо и неговите браќа Кевин и Ник, со кои го сочинуваат бендот „Џонас брадрс“, имаа настап за Нова година на приватна забава во Кабо Сент Лукас.
