ФИФА покрена дисциплинска постапка по инцидентите што го одбележаа финалниот натпревар на Светското првенство меѓу Шпанија и Аргентина.
Во фокусот на истрагата на Дисциплинската комисија се најдоа аргентинските репрезентативци Леандро Паредес, Науел Молина и Тијаго Алмада, како и членот на стручниот штаб Роберто Ајала. Постапка е поведена и против шпанскиот репрезентативец Гави, а сè е засновано на извештајот подготвен од етичкиот и дисциплински обвинител на ФИФА.
Според информациите, најтешките обвиненија се однесуваат на физички пресметки и агресивно однесување за време на финалето. Паредес се соочува со три точки од обвинението, Молина со две, додека против Ајала е поднесена една пријава. Во меѓувреме, Гави, Алмада и Молина се товарат и за неспортско однесување за време и по завршувањето на натпреварот.
Освен против поединците, дисциплинска постапка е отворена и против Фудбалската федерација на Аргентина. На товар на федерацијата се ставаат дискриминирачки скандирања од трибините, доцнење на почетокот на натпреварот, како и прекршување на безбедносните и организациските протоколи.
