Тифен Озиер, адвокатка и ќерка на првата дама на Франција, Брижит Макрон, наводно е во врска со еден од најпознатите и најконтроверзни француски ТВ водители, Кирил Хануна. Оваа вест првпат беше објавена во магазинот „ПаризМ“, кој објави дека парот уживал на вечера во ресторан во центарот на Париз.
Иако на прв поглед изгледаат дека се потполно спротивни, Тифен која е позната по своето смирено и одмерено однесување и Кирил, кој се стекна со репутација на „лошо момче“ на француската телевизија, изворите тврдат дека меѓу нив има силна хемија.
„Се чини дека нивната врска не е само минлива авантура, туку нешто подлабоко“, пишува магазинот.
И покрај ова, реакциите во претседателската палата не беа целосно позитивни. Иако Брижит Макрон наводно ја поддржува оваа „необична врска“, извори од Елисејската палата тврдат дека немало ентузијастичка реакција.
Кирил Хануна, познат по водењето на популарното шоу „Не допирајте ја мојата објава“ (Touche Pas a Mon Poste-TPMP), кое извесно време доминираше на францускиот телевизиски пазар, неодамна се соочи со големи проблеми.
Минатиот месец францускиот регулатор, агенцијата „Арком“, ја одзеде лиценцата на каналот „C8“ поради бројни прекршувања, вклучувајќи навреди, хомофобија, мизогинија и ширење теории на заговор. Хануна го обвини претседателот Макрон за неуспехот на неговото шоу.
Тифен, која е мајка на две деца, минатата година објави роман за семејното насилство и сè почесто се појавува како правен коментатор во емисиите на Кирил. Исто така, на почетокот на годината, како што пренесуваат француските медиуми, таа се разведе од сопругот.
Сепак, некои се сомневаат во реалноста на оваа врска. Магазинот „Ле Поинт“ се повикува на извори блиски до Хануна кои тврдат дека всушност ништо сериозно не се случило. Според нив, Хануна често ги носи колегите од шоуто на вечера, па социјалните мрежи се преплавени со шеги дека „повеќе гледа во тестенините отколку во Тифаин“.
Покрај тоа, Хануна моментално е во центарот на вниманието поради наводните закани упатени до соработниците во шоуто. Многумина веруваат дека врската со Тифаин Озиер може да му помогне на Хануни да се доближи до властите и да ги подобри односите со претседателот Макрон.
