ДЕЛ ОД МОНОГРАФИЈАТА „СЛАВЕ КАТИН – ЖИВОТ И ДЕЛА“
Книгата “Love Stories”(Љубовни приказни) (2011) во издание на „Македонска искра“, Скопје е отпечатена на 302 страници, на англиски јазик. Таа е едно од моите различните публикации. Станува збор за моите патување и претставување на приказните за Македонецот во иселеништвото и во Македонија. Рецензенти на ова дело се Ристо Стефов и д-р Вера Стојчевска-Антиќ.
Всушност книгата “Love Stories”е превод на англиски јазик на книшката Љубовни приказни) (2011),во која, исто такаМакедонецот се соочува со фактот дека неговиот главен проблем во иселеништвото не е само секојдневното преживување, туку и изборот на доживотен партнер, со кој ќе се задоми и ќе основа семејство, бидејќи бракот за нив е свет и достоен.
Интимните приказни содржани во оваа книга најдобро го потврдуваат овој факт. Без разлика каде започнува борбата за корените на македонското семејство, дали во Северна Америка, Европа, Автралија или други земји, она што е важно е дека „крвта е погуста од водата“ искажана на англиски јазик.
Во рамките на моите патувања ширум светот, имам објавено многубројни текстови и публикации за македонските иселеници во САД, Канада, Австралија, Европа. Притоа, покрај разговорите за нивната животна голгота, не беа заобиколени ни типичните интимни прашања и проблеми. Карактеристична е нивната генетска поврзаност со македонските семејството, кое е света работа.
Потврда за тоа е оваа книга под наслов “Љубовни приказни”, која содржи 20 исповеди на наши луѓе од разни возрасти, со различен социјален статус, без оглед во кој дел од светот живеат, а кај кои не згаснува нивната љубов кон родната земја Македонија.
Тоа значи дека македонскиот човек се судрува со фактот дека во иселеништвото главен проблем не е само голиот опстанок, туку и изборот на животниот сопатник, односно формирањето семејство, што за секој Македонец е света работа, за што се под-несуваат и големи жртви.
Презентираните љубовни стории длабоко ја изразуваат својата духовност – тагата и љубовта, надежите и верувањата, желбите и сеќавањата, испреплетени со новото во животните крстопати и со она што ја следи нивната судбина во далечните простори. Книгата е прв труд од ваков вид, во кој на едно место се собрани 20 љубовни стирии на англиски јазик за македонските иселеници во Австралија, САД, Канада, Европа и Македонија..
Светот што ни го откриват случувањата не е имагинарен, туку реален и непосредно доживеан, во кој авторот е соучесник и сведок, а не само посматрач. Неговите оценки и констатации извираат од живиот контакт и фактографијата со која го соочуваат неговите соговорници и затоа треба да се прифатат како релевантни факти и една продлабочена анализа за македонското иселеништво.
Промоција:
На 19 0ктомври 2014 година, во македонската православна црква „Св. Климент Охридски” во Торонтоа беа промовирани двете публикацијата: „Love stories“ и македонското издание насловено „Иселеничка вртелешка”, објавена од издавачката куќа „Македонска искра” од Скопје.
Во присуство на голем број македонски иселеници за делото Иселеничка вртелешка”, зборуваа проф. Филип Ангеловски, диригент на Црковниот хор на соборниот храм „Свети Климент Охридски“ и Соња Лозановска, главен и одговорен уредник на весникот „Македонија” од Торонто.
Продолжува
Пишува: СЛАВЕ КАТИН
