Седумдесет и двегодишниот Грег Рос решил да ја напушти директорската фотелја и се насочил кон сосема друга работа – станал камионџија.

Кога Грег Рос се враќал од погребот на својот вујко во 2008 година, погледнал низ прозорецот на авионот и додека слетувал во Перт, донел одлука која му го променила животот.

Во текот на летото тој сфатил дека доживеал согорување како генерален директор на една театарска куќа, а децении подоцна и како извршен директор за маркетинг на престижни автомобили.

– Веројатно е многу специфично за мојата возрасна група. Никогаш не смееме да плачеме, никогаш не смееме да се откажеме, мора да стоиме цврсто. Се бориме во себе – вели тој.

Песната што му падна на ум беше „Watching the wheels“ од Џон Ленон… „Само седам овде и гледам како се вртат тркалата“.

Ја напуштил работата и кога децата го прашале што ќе прави, тој рекол: „Мислам дека само ќе возам камион“.

Се пријавил за работа како возач на огромен камион со две и повеќе приколки. Рос сакал да ги вози најголемите шлепери во светот.

– Бев поканет од компанијата: „Нема ништо на вашето сиви за возење камион“ – ми рекоа тие.

Рос во младоста возел помали возила, а сега вози шлепери. На 72 години има договор со полно работно време. Сега тркалата се вртат сосема поинаку.

Работи 12 часа дневно, 14 дена по ред, а потоа има една недела одмор.

Рос ја сака осаменоста.

– Понекогаш сакам само тишина. Ако одите на патување од 300 километри, способноста за размислување е прекрасна. Јас сум многу среќен. Ми се допаѓа тоа што сум и каде сум – вели тој.

Пред 25 години, Рос имал рак на тироидната жлезда и му дале само три месеци живот. Затоа, неговата втора професија може да се сфати како втора шанса.

Рос вози велосипед за да се одржи во форма и се надева дека ќе вози шлепери уште три до пет години.

– Сум видел мажи како стареат одеднаш. Не ги гледате неколку месеци, а потоа ги гледате и ги имаат оние ревматски очи. Слабеат и алфа-мажите стануваат старци – вели тој. Но, Рос не сака годините да го изненадат така.

– Мојата чаша е секогаш полуполна, а келнерот доаѓа со друго шише – вели тој.