Многу луѓе кои го гледале божиќниот класик „Сам дома“ беа воодушевени од изгледот на куќата на семејството Мекалистер. Првите два филма се снимени во огромна и убава куќа во Винетка, недалеку од Чикаго.

Сцените на отворено се снимале околу куќата, додека за снимањето на сцените внатре користеле сет изграден во спортската сала на напуштено училиште. Од внатрешноста на оваа куќа за снимање биле користени дневната соба и големите скали во ходникот.

Некои веќе можеа да видат како оваа куќа изгледа во реалноста во 2011 година, кога семејството Абендшиен реши да ја продаде за 2,4 милиони долари. Таа куќа ја купиле во 1998 година, за 800 илјади долари помалку.

Куќата има 10 спални соби и шест бањи, а агентот за недвижности Мариса Хопкинс пред неколку години објави видео на YouTube во кое покажува како изгледа куќата внатре и надвор.

Обожавателите сè уште ја посетуваат куќата, особено за време на празниците. Пред две години, Airbnb воодушеви многумина и им даде можност на фановите да поминат еден ден во домот на Кевин и неговото семејство. Тогаш куќата беше уредена како на филмот.