Најдобрата македонска тенисерка, Лина Ѓорческа успеа да се пласира во полуфиналето на турнирот во Куршумлијска Бања откако во вчерашното четвртфинале во два сета ја совлада Словенката Далила Јакуповиќ.
Мечот траеше 80 минути, Ѓорческа првиот сет го доби со 6-4, а во вториот славеше со 6-3.
Денес во полуфиналето македонската тенисерка ќе игра против Лола Радивојевиќ од Србија која вчера немаше меч бидејќи нејзината сонародничка Нина Стојановиќ го предаде мечот поради повреда.
Денешната ривалка Радивојевиќ од Србија има 19 години и се наоѓа на 229 место на ВТА листата. Во меѓусебените мечеви скорот е 2:0 за Радивојевиќ.
