Македонската тенисерка, Лина Ѓорческа не успеа да ја мине втората пречка во поединечна конкуренција на ИТФ фјучерсот во Грузија, но затоа во игра на двојки направи значаен резулат и ги елиминираше првите носителки на турнирот што се игра на тврда подлога за награден фонд од 40.000 долари.
Лина во комбинација со Екатерине Горгоѕе ги надиграа фаворизираните Мартина Кубка (Полска) и Лиса Зар (Шведска) со 2-1 во сетвои.
Полско-шведската комбинација го доби првиот сет со 6-4, но потоа на сцена стапија Македонката и Грузијката и со 7-6 и 10-5 се изборија за пласман во наредната рунда каде ги очекуваат Зверава и Кардава.
Овој турнир се игра во Лопота.
