Холивудската актерка Шарлиз Терон објави фотографија во топлес издание, направена додека се подготвувала за забавата по светската премиера на филмот „Одисеја“ (The Odyssey). На фотографијата, 50-годишната актерка седи на кревет и со рацете ги покрива градите.
Во кадарот, Терон носи само впечатливи дијамантски обетки од брендот „Глен Спиро“ и црвен кармин, а токму минималистичкиот изглед дополнително го истакнува впечатокот.
По фотографирањето, актерката се пресоблекла во раскошен црвен фустан и се упатила на забавата по премиерата, која се одржала во лондонскиот клуб „Освалдс“, во населбата Мејфер, каде што се дружела со останатиот дел од актерската екипа.
За таа пригода избрала впечатлива креација од модната куќа „Живанши“. Црвениот фустан имал отворен изрез околу вратот, нагласени набори на грбот и длабок шлиц кој достигнувал до бутот, со што дополнително ја истакнал нејзината фигура.
Изгледот го комплетирала со високи црни потпетици, долги црни кожени ракавици и висечки обетки. При пристигнувањето на забавата позирала пред фотографите, а многумина нејзиниот стајлинг го споредија со гламурот на филмските диви од златната ера на Холивуд.
Претходно истата вечер, Терон се појави и на црвениот тепих на лондонската премиера на „Одисеја“, каде што носеше црн кадифен фустан во комбинација со драматични бели ракавици. Внимание привлече и високиот шлиц на креацијата.
Во новиот филм на режисерот Кристофер Нолан, Терон ја толкува улогата на Калипсо. На премиерата присуствуваа и Зендеја, Том Холанд, Ен Хатавеј, Лупита Њонго, Бени Сафди, Џон Легуизамо, Мет Дејмон со сопругата, Роберт Патинсон, Химеш Пател, како и продуцентката Ема Томас.
Филмот „Одисеја“ е базиран на древниот грчки еп „Одисеја“ од Хомер и ја следи приказната за грчкиот крал Одисеј, кој по Тројанската војна се обидува да се врати кај својата сопруга Пенелопа, минувајќи низ низа опасности и искушенија.
