На општо изненадување на обожавателите, американскиот актер Џош Бролин позираше целосно гол на својата последна објава на Инстаграм. Како што пишува „Дедлајн“, на сетот на „Outer Range“, драмата во која Бролин игра ренџер од Вајоминг кој се бори за својата земја и семејство, бил фотографиран „како од мајка роден“ додека се релаксирал помеѓу снимањето на втората сезона.
„Подготовките за втората сезона на „Outer Range“ се во тек.“ , напиша 55-годишниот Бролин на својот Инстаграм профил.
„Сега работите одат во друга насока. Светот се менува и мораме да бидеме чувствителни на се. Не треба да објавуваме фотографии од сетот, но ова всушност не е од сетот, туку за време на ручекот во прекрасната пустина Санта Фе. Благодарност до Брајан Бовен Смит за документирањето на нашите најприватни моменти за време на снимањето на серијата.“, додава во описот под голата фотографија.
Актерот е познат по бројните филмови, меѓу кои и детскиот класик „Goonies“, потоа „Deadpool 2“, „Sicario“ и „Avangers“ на Марвел каде го глуми негативецот Танос.
