Актерката и пејачка Хилари Даф стана мајка по четврти пат на 36 години. Таа и нејзиниот сопруг Метју Кома го добија своето трето заедничко дете.
Холивудската ѕвезда се породи во својот дом и преку фотографии ги прикажа деталите од породувањето на Инстаграм. Хилари роди ќерка која таа и нејзиниот сопруг ја нарекоа Таунс Медоу Беар.
„Таунс Медоу Беар, сега знаеме зошто нè натера да чекаме толку долго… Ги усовршуваше тие образи. Сонував да те држам во раце со месеци, а изминатите пет дена кога те запознав, те гледав и мирисав беа моменти на чиста магија. Сите те сакаме како да си тука одамна“, напиша Хилари заедно со фотографиите направени веднаш по породувањето.
Хилари се породила дома во базен со вода на ист начин како што ги родила и двете поголеми ќерки кои ги има со Метју. Актерката од првиот брак со Мајк Комри го има и синот Лука.
