Викендов, за малку беше избегната голема трагедија на натпреварот од Третата лига на Македонија помеѓу екипите на Речица и Доброште. Најзаслужен за тоа е главниот судија Дарко Радески, кој со херојски потег спаси живот на еден од домашните фудбалери.
На стартот од второто полувреме по еден дуел во воздух дефанзивецот на Речица незгодно падна на тревата и остана да лежи. Веднаш се заклучи дека ситуацијата е опасна, па затоа главниот судија веднаш дотрча до фудалерот кој што лежеше на тревата и го извадил јазикот со цел да спречи гушење.
„Фала му на Господ што навремено забележав дека фудбалерот ја загуби свеста и што бев во негова близина за да му помогнам“, за Мнет телевизија изјави судијата Радески.
Инаку, средбата, заврши со минимална победа на гостите од Доброште со резултат од 0-1.
