Германската манекенка Хајди Клум (50) го прослави Божиќ со својот сопруг Том Каулиц (34) на луксузно патување на Карипските Острови. Двојката не ја криела својата љубов, пишува „Дејли мејл“, па додека се одморале на песочната плажа си разменувале нежности.
Клум објави неколку фотографии и видеа од одморот, на кои таа и Каулиц уживаат во празничните мигови. Манекенката ја покажа својата завидна фигура во црно бикини, кое го искомбинирала со наметка со гепартски дезен и новогодишна капа со светки.
Објавата содржи и видео на кое се гледа како манекенката елегантно стои на лулашка, додека нејзиниот сопруг несмасно се обидува да ѝ се придружи. Исто така, Клум и Каулиц уживале во прекрасната глетка на зајдисонцето, држејќи се за раце.
Славниот пар е во брак од 2019 година, а со тоа Каулиц стана очув на нејзините четири деца – 19-годишната Лена, 18-годишниот Хенри, 17-годишниот Јохан и 14-годишната Луа.
