Претседателот на Фудбалската асоцијација на Јордан, принцот Али бин Хусеин, во вторник објави јавен напад врз претседателот на ФИФА, Џани Инфантино, обвинувајќи го за уцена и тврдејќи дека ФИФА понудила помош за решавање на проблемите на кралството во замена за негова поддршка, објави „Скај њуз“.
Бин Хусеин тврди дека ФИФА вербално комуницирала за време на Светското првенство дека поддршката на Инфантино „ќе биде од голема помош за нашата Фудбалска асоцијација“ откако со месеци светската фудбалска асоцијација одбиваше помош за разни прашања.
ФИФА тврдеше дека продажбата на малцинскиот удел во нејзините комерцијални операции ќе собере милијарди долари за финансирање на развојот на глобалниот спорт. Генералниот секретар на ФИФА, Матијас Графстром, и Арсен Венгер беа меѓу раководителите кои се дистанцираа од Инфантино, а Бин Хусеин рече дека има проблем со раководството.
– Нема недостаток од проблеми во врска со ФИФА. Дозволете ми да почнам со разјаснување кои се некои од нив од перспектива на Фудбалската федерација, особено за Јордан кој за прв пат учествува(ше) на Светско првенство. Ние сме мала земја со минимален буџет за нашата Фудбалска асоцијација и моравме да се справиме со огромни пречки. Прво, влегувањето на нашите навивачи во САД: не сите добија визи, иако имаа билети – за кои знаеме дека се продаваа по претерани цени.
Второ, владата на САД нè оданочува преку ФИФА за нашето учество. Пари што треба да им одат на играчите и персоналот. Ова не беше случај за оние кои играа и поставија камп во Канада и Мексико. Но, случајно бевме во САД, па сега се соочуваме со овие огромни трошоци за даноци за учество. Трето, чекаме награда за нашите играчи од декември за Арапскиот куп во Катар, што е настан на ФИФА. Парите што нашиот тим треба да ги добие за пласманот во финалето сè уште не се доставени, додека во исто време ФИФА се фали со тоа колку милијарди имаат во резерва.
Јасно е дека проблемот всушност е со раководството. Со месеци, ФИФА одбиваше да ни помогне по кое било од овие или други прашања – сè додека не ми беше усно соопштено за време на Светското првенство дека ако го поддржам Инфантино, тоа ќе биде многу важно за нашата Фудбалска асоцијација. Се гордееме во Јордан во почитувањето на етичките вредности. Не го поддржавме претходно и сигурно нема да го сториме тоа сега. Но, целата ситуација е сведена на уцена и одбиваме да се предадеме на тоа – стои во објавата на Али бин Хусеин.
