Филмскиот фестивал во Кан падна на најниско ниво, според љубителите на филмската уметност.
Наместо да продолжат да го промовираат гламурот и да ги собираат најпознатите имиња од филмската индустрија, организаторите испратија покани до инфлуенсерите и ријалити ѕвездите кои едвај чекаа да се појават на црвениот тепих на престижниот фестивал.
„Кан стана вистински циркус“, рече филмски критичар кој престојуваше во тамошниот хотел „Marriott“, со ѕвезди како Кевин Костнер и Зои Салдана, кои престојуваа таму на овогодинешниот 77-ми филмски фестивал во Кан.
„Од едната страна е ѕвездата на ‘Love Island’, од другата е некој друг. Не велам дека таквите луѓе не се добредојдени во Кан, но со тоа филмскиот фестивал ја изгуби својата холивудска привлечност. Секаде каде што ќе ве свртите ќе видите некој инфлуенсер како се фотографира за социјалните мрежи. Ништо веќе не е ексклузивно во Кан, бесплатно е за секого“, изјави критичарот кој сакаше да остане анонимен.
Овој филмски фестивал порано беше светски познат по внимателно избраната програма на филмови, а таму всушност беа направени многу режисерски кариери.
Добивањето покана за премиерата беше речиси невозможно и само избраните можеа да го прошетаат овој црвен тепих.
Среде морето од инфлуенсери и супермодели кои се собраа на галата на AmFar оваа година, вклучувајќи ги Бела Хадид, Хелена Кристенсен и Хајди Клум, оние што веќе имаа можност да присуствуваат велат дека целиот настан го изгубил својот ексклузивен шарм.
