Во последниве години, под влијание на разни мотивациони говорници сè повеќе луѓе се заинтересирани да го подобрат својот живот со помош на позитивни афирмации. Овој тренд е особено популарен на социјалните мрежи меѓу младите.
Така настанал и терминот „синдром на среќна девојка“, кој сугерира дека афирмациите и позитивниот начин на размислување можат секојдневните случувања да ги свртат во наша корист, пишува Вашингтон пост.
Сепак, како што истакнуваат критичарите на ваквиот начин на размислување, овој тренд може да оди во крајност, па човек да почне да се обвинува себеси доколку во животот не му оди како што сака, иако посветено ги практикува позитивното размислување и афирмации.
„Синдром на среќна девојка“ е тренд на Тикток што го започнала Лаура Галебе (22) минатата година во декември.
– Буквално не можам подобро да го објаснам ова од тоа дека се чини оти шансите целосно се во моја корист. Постојано велам дека секогаш неочекувано ми се случуваат големи работи – изјавила Лаура.
Најдобар доказ за тоа колку е голем интересот меѓу младите за ова говори фактот што нејзиното видео во кое таа го објаснува синдромот на среќна девојка на Тикток е прегледано од 420 милиони корисници.
Сепак, сите не се согласуваат со нејзините ставови. Корисниците на оваа мрежа истакнале дека „синдромот на среќна девојка“ ја одржува токсичната духовност на новото време честопати оставајќи ги жените со идејата дека тие се виновни кога нешто не им оди добро во животот.
Иако многумина го критикуваат овој тренд, психолозите тврдат дека позитивното размислување има свои предности и реални придобивки.
Психологот д-р Саманта Велд Бландел објаснува дека треба да сме свесни оти постои некаква логика во ова, но не треба да очекуваме афирмациите да ги решат нашите проблеми како магично стапче.
– Слушнав за овој тренд од моите пациенти. Еден пациент ми кажа дека токму тоа се обидуваме да го постигнеме на нашите сесии, но спакувано поинаку. Трендот е во основа многу позитивно размислување. Во борбата против стресот или анксиозноста, се обидуваме да размислуваме попозитивно, а тоа го менува начинот на кој се чувствуваме. Со промена на размислувањето, се менува нашето расположение, емоциите и тоа го менува и нашето однесување – објаснила таа за една американска веб-страница.
Според Лаура, Законот на привлекувањето е моќен и реален, па таа секогаш е оптимистична и очекува добри нешта.
Пооптимистичкиот поглед на светот, како што се верува, го зајакнува имунитетот и позитивно влијае на многу аспекти од секојдневниот живот, и долгорочно и краткотрочно.
Според коментарите на нејзините придружници, дури и оние поскептичните, моќта на мислите е многу посилна отколку што можеме да замислиме.
Православниот свештеник отецот Тадеј пред многу децении говорел: „Какви ти се мислите, таков ти е животот“, а неговите мудрости се запишани во истоимената книга.
[/et_pb_text][/et_pb_column][/et_pb_row][/et_pb_section]
