Уште девет жени го обвинија познатиот американски комичар Бил Козби за сексуален напад во тужба во која тврдат дека ги малтретирал, користејќи ја неговата огромна моќ, слава и престиж.
Во тужбата, поднесена во средата пред федералниот суд во Невада, се наведува дека жените биле запрепастени и нападнати помеѓу 1979 и 1992 година во домови, хотели и соблекувални во Лас Вегас, Рено и езерото Тахо.
Една од жените го обвини Козби, кој тврдеше дека е нејзин актерски ментор, дека ја намамил да дојде од Њујорк во Невада, каде што била дрогирана во хотелска соба, а потоа силувана.
85-годишната ѕвезда е обвинета од повеќе од 60 жени за силување, сексуален напад и сексуално вознемирување. Актерот ги отфрли сите обвинувања.
Козби е првата американска славна личност која е осудена во ерата на движењето #MeToo. Тој помина речиси три години во затвор пред повисокиот суд да ја поништи пресудата и да го ослободи во 2021 година. Претходно оваа година, судот во Лос Анџелес и досуди отштета од половина милион долари на жена која тврдеше дека Козби ја малтретирал во вилата на Плејбој во 1975 година, кога имала 16 години.
Жените ги поднесоа тужбите неколку недели откако гувернерот Џо Ломбардо потпиша закон со кој заврши двегодишниот статут на застареност за поднесување обвиненија за сексуален напад. Слични тужби следеа и во други сојузни држави по усвојувањето на истиот закон.
