Главниот осомничен во истрагата кој според полицијата со пиштол ја усмртил 14-годишната Вања Ѓорчевска, Љупчо Палевски Палчо, ја напуштил државата на 30 ноември.
– Во однос на тоа, полицијата не можела да има дојава за него претходно затоа што вчера приведовме пет лица и тогаш се извршија претреси и дојдовме до таа информација. Таа информација никој ја немал претходно. Македонија ја напуштил на 30 ноември.
Љупчо Палевски Палчо е избеган во Белград па во Бугарија.
„Тоа лице е заминато од државата со возило заедно со неговиот адвокат и заминато во Белград од таму заминува во Бугарија следниот ден и понатаму ќе ги утврдуваме сите овие аспекти што ги имаме“, рече Спасовски.
Против него имаше неколку прекршочни постапки, за една од нив на ОВР Прилеп има покрената кривична пријава – рече Спасовски на прес-конференција во Основното јавно обвинителство кое ги соопшти деталите по грозоморното киднапирање и убиство на Вања и на 74-годишниот велешанец.
