Двајца турски државјани биле уапсени вчера на „Табановце“, откако приложиле фалсификувани украински дозволи за престој, соопшти МВР.

„На 03.06.2023 во 13:15 часот на граничниот премин Табановце, на излез од државата, биле лишени од слобода О.Е.(26) и Б.У.(41), двајцата од Р.Турција. При извршена контрола тие приложиле украински дозволи за престој, при што било констатирано дека тие им биле фалсификувани. Во извршениот разговор двајцата изјавиле дека дозволите ги набавиле во Р.Турција за сума од околу 4.000 евра“, велат од полицијата.

О.Е. и Б.У. биле предадени во СВР Куманово за понатамошна постапка.