Американскиот претседател Доналд Трамп изјави денес дека САД ќе продолжат со нуклеарните тестови, не исклучувајќи ја можноста за подземни тестови.
Трамп не одговори директно на прашањата од новинарите во претседателскиот авион на пат кон Флорида за тоа дали тој ќе ги вклучи традиционалните подземни нуклеарни тестови што беа вообичаени за време на Студената војна, објави Ен-Би-Си.
„Наскоро ќе дознаете, но ќе направиме некои тестирања“, рече Трамп.
Трамп во четврток изјави дека ѝ наредил на американската војска веднаш да го рестартира процесот на тестирање на нуклеарно оружје по 33-годишна пауза.
Ниедна нуклеарна сила, освен Северна Кореја во 2017 година, не спровела експлозивни нуклеарни тестови повеќе од 25 години.
