Овој рецепт за топла салата е интересна опција и отстапување од посните јадења со риба или варива. Хранлива е и заситувачка, но не остава чувство на тежина во стомакот.
Потребно:
- 200 г зелена или кафеава леќа
- 4 средни моркови
- 150 г тофу
- 3 лажици маслиново масло
- Сол
- Црн пипер
- 1 лажичка мед
- 1 лажица сок од лимон
Подготовка: Измијте ја леќата и варете ја во солена вода 20-25 минути (треба да биде мека, но не и кашеста). Исцедете ја. Излупете ги морковите и исечете ги на стапчиња. Ставете ги на плех за печење, зачинете со сол, бибер и две лажици маслиново масло. Во истото тавче ставете го тофуто исечено на помали коцки да се потпече. Печете на 200 °C околу 25 минути. Измешајте ја леќата, печените моркови и тофуто во сад. Додадете го медот, сокот од лимон и една лажица маслиново масло. Нежно измешајте.
