Холивудската ѕвезда Том Круз се најде во незгодна ситуација откако слета на хелиодром во лондонската населба Батерси и по грешка се упати кон автомобилот наменет за британскиот премиер Риши Сунак.

На социјалните мрежи се појави видео од оваа интересна ситуација. Имено, познатиот глумец, облечен во светло сива поло маица и црни панталони, тргнал кон автомобилот, но потоа сфатил дека тој не е наменет за него, па се упатил кон другото возило, поздравувајќи ги обожавателите. Потоа, британскиот премиер влегол во автомобилот наменет за него.

Видеото за кусо време собра 8,7 милиони прегледи и бројни коментари на сметка на Круз, но и на Сунак.

„’Невозможна мисија’ е добар слоган за изборната кампања на Сунак“; „Едниот од нив е на невозможна мисија, а другиот е Том Круз“, гласат дел од шегите.

Инаку, актерот го поминува времето во Лондон на снимањето на најновиот дел од филмот „Невозможна мисија“.