Меленото месо најдобро оди со сос и тестенини, а ова јадење ќе биде готово за миг.
Потребно:
- 200 г пачери тестенини
- 250 г свежо мешано мелено месо
- 1 кромид
- 3 домати
- 4 печурки шампињони
- 1 лажица сончогледово масло
- 2 лажици павлака
- 80 г моцарела
- Зачини по вкус
Подготовка: Ситно исечкајте го кромидот и загрејте го сончогледовото масло во тава. Лесно пропржете го кромидот. Додадете го меленото месо, зачинете по вкус и динствувајте додека не порумени. Во меѓувреме, сварете ги тестенините во солена врела вода според упатствата на производителот. Исечете ги доматите и печурките на помали коцки и измешајте ги со месото. Динствувајте уште неколку минути додека зеленчукот не омекне. Потоа додадете ја павлаката, промешајте и динстајте кратко за да се згусне сосот. Додадете ги исцедените тестенини директно во сосот, мешајќи нежно за да се премачка сè. Потоа наросете со рендана моцарела и оставете ги покриени една или две минути за да се стопи сирењето. Сервирајте веднаш. Добар апетит!
