“Македонија? Таа ми е и љубов и судба и болка и очај и неопходност и тага и лулка и гроб.”
Григор Прличев, 1885 година.
Во пресрет на 06 февруари, денот на нашиот великан, членовите на ЛК Лихнидос изведоа нова акција за реосветлување на родната куќа, бистата пред градската библиотека и неговото вечно почивалиште позади црквата Света Богородица Перивлепта.
Акцијата е дел од проектот на клубот ‘Охрид – Град на Светлината’, со кој се осветлени над сто атракции во градот, сакрални објекти, профани градби и споменици. Овојпат донатори на рефлекторите се нашите пријатели од Србија, членовите на хорот ‘Атендите’ од Кикинда. – изјави Проф. Д-р Зоран Тунтев, член на ЛК Лихнидос.
Охрид деновиве со низа манифестации го чествува ликот и делото на големиот поет и преродбеник Григор Прличев.
