Од една легенда за друга.
Славниот режисер Стивен Спилберг не губеше време за да го пофали Том Круз за време на традиционалниот оскаровски ручек во понеделникот, на кој присуствуваа номинираните за „Оскар“.
Пред да го прегрне, Спилберг покажа колку е воодушевен од новиот блокбастер Top Gun: Maverick – кој доби номинација во категоријата Најдобар филм.
„Го спаси Холивуд, а можеби и дистрибуцијата во кината“, му вели Спилберг на Круз во клипот споделен на „Твитер“. „Сериозно, ‘Маверик’ можеби ја спаси целата филмска индустрија.“
Steven Spielberg tells Tom Cruise that “you saved Hollywood’s ass and you might have saved theatrical distribution. Seriously, ‘Top Gun: Maverick’ might have saved the entire theatrical industry.” https://t.co/nPWR5BqiUV
— DiscussingFilm (@DiscussingFilm) February 14, 2023
Филмот, продолжение на класикот од 1986 година, заработи неверојатни 1.48 милијарда долари во светски рамки откако почна да се прикажува во мај минатата година. Исто така, собра импресивни 96% на веб-страницата „Ротен томатос“, позната како агрегат на рецензии за филмови.
Спилберг и Круз, кои претходно работеа заедно на „Малцински извештај“ и „Војна на световите“, споделија видео за нивната куса средба на настанот на кој Круз дебитираше со впечатлив нов изглед.
