ДЕЛ ОД МОНОГРАФИЈАТА „СЛАВЕ КАТИН – ЖИВОТ И ДЕЛА“
Делото „Во чест на светите Кирил и Методиј“ (1994), е издание на „Матица македонска“, отпечатена на 212 страници на македонски јазик. Публикацијата е израз на долготрајната истражувачка дејност на авторите д-р Вера Стојчевска-Антиќ и Славе Николовски – Катин на животот и делото на сесловенските (македонските) просветители светите Кирил и Методиј. Рецензенти на ова дело се проф. д-р Радмила Угринова – Скаловска и архиепископот на Македонската православна црква г.г. Михаил, а беше издадено во 1994 година, кога се навршуваа 50 години самостоен слободен, просветен и културен живот и растеж во Република Македонија.
Во својата рецензија за делото „Во чест на светите Кирил и Методиј“, д-р Радмила Угринова – Скаловска ќе напише: „Кирилометодиевската традиција зафати–ла благородни и длабоки корени во Макеоднија. Вредните ученмци на светите браќа Кирил и Методиј, светите Климент и Наум Охридски, ја продолжиле нивната целокупна глаголска традиција, особено кога Климент Охридски во 886 година ги ставил темелмте на Охридската книжевна школа“.
Да се зборува за делото на светите браќа Кирил и Методи и нивното наследство е чест и предизвик. Колку е извонредно важна и суштинска мисијата на светите браќа, говори фактот што денес тие се патрони на Европа – признание дадено од Ватикан со цел да се потенцира нивното значење за единството на европските народи
Исто така во книгата даваме информации дека македонскиот јазик спаѓа во јужнословснските јазици, а се формирал од словенските племиња што се населиле најјужно на Балканскиот Полуостров. Уште тогаш, во IX век, тој се одликувал со карактеристични особености во однос на јазичните црти. И понатаму во својот развој доживувал своевиден напредок. Прашањето за литературниот современ македонски јазик било поставено уште во XIX век, а решено дури со победата на НОБ.
Архиепископот на Македонската православна црква г.г. Михаил, пак, ќе напише дека веднаш по НОБ се обновија училиштата во Македонија. Повеќе од нив го задржаа или го добија името „Кирил и Методиј”, и „ Климент Охридски”..
Исто така, своевиден простор е посветен на културната манифестација „Во чест на свети Кирил” и поклоненијата на светиот гроб на свети Кирил во Рим во период од 25 годиии (1969-1994)“.
Промоции и објави:
На 31 мај 1994 година во книгоиздателството „Матица македонска“ се одржа свечено претставување на делото „Во чест на Свети Кирил и Методиј“. Моногравското дело беше претставено од д-р Радмила Угриновска-Сековска и архиепископот на Македонската православна црква г.г. Михаил
Од делата „Во чест на светите Кирил и Методиј“се објавениоколу 100 продолженија во порталите „Македонска нација“ и „Македонско сонце“ од Скопје, „Македонски збор“ од Детроит, „Мактел“ од Сиднеј, „Македонија“ од Торонто и други гласила во Македонија, Канада и Австралија.
Од делото „Во чест на свети Кирил Солунски во Рим“, од проф. д-р Вера Стојчевска-Антиќ и Славе Николовски-Катин се објавени дваесет и три (23) продолженија во вебпорталот „Македонска нација“ од 9 ноември 2016 до 19 април 2017, (на македонски). Истите (23) продолженија се објавени во веб-порталите „Македонско сонце“.
Исто така, во порталот „Мактел“ од Сиднеј, Австралија се објавени (58) продолженија од делата „Во чест на светите Кирил и Методиј“ и „40 поклоннија пред гробот на свети Кирил во Рим“. Истите (58) продолженија се објавени и во веб-порталот „Маке-донско сонце“, Скопје.
Продолжува
Пишува: СЛАВЕ КАТИН
