Со интонирање на државната химна, секој понеделник ќе започнува наставата во сите основни училишта на територијата на Општина Аеродром, сподели градоначалникот на Општина Аеродром, Тимчо Муцунски на својот Фејсбук профил како и видео од вчерашното интонирање на химната.

„Станува збор за иницијатива преку која изразуваме искрена почит кон татковината и со која имаме цел да го подигнеме националното чувство и љубовта на дечињата кон Македонија, но и ќе ги охрабриме да учат за македонската култура и традиција“, напиша Муцунски во својата фејсбук објава.