Ако сте љубител на свински шницли, овој рецепт е совршен за да ги подготвите најмеките и најсочни шницли што некогаш сте ги јаделе.
Нема да се покаете што ќе ги зготвите.
Потребни состојки:
- 500g тенки свински шницли
- 2 главици кромид
- 2 лажици сенф
- 2 лажици брашно
- 200ml млеко
- 200g кисела павлака
- 500ml вода
- Сол по вкус
Начин на подготовка:
- Свинските шницли посолете ги и премачкајте ги со сенф од двете страни.
- Пржете ги на врело масло, па кога ќе заруменат малку, тргнете ги шницлите на чинија.
- Во истото масло продинстајте го кромидот, па кога ќе омекне, вратете ги шницлите и додадете вода.
- Оставете се да се динста околу 45 минути на средна температура.
- За тоа време подгответе го сосот – во млекото додадете 2 лажици брашно и павлаката и изматете сè за да нема грутчиња.
- Месото повторно извадете го од тавата, а во сосот во кој се динстале шницлите, ставете ја смесата од млеко и павлака.
- Оставете да се вари, мешајќи околу 5 минути, па вратете ги шницлите и динстајте околу 10 минути за да се соедини.
- Послужете ги топли (со ориз или компири). По желба, наросете со малку магдонос.
