Откако Бруклин Бекам ја шокира јавноста со отворената порака во која ги обвини родителите за лажно претставување совршено семејство, социјалните мрежи ги преплави видео кое, според многумина, ги потврдува неговите тврдења.
Полека се одмотува клопката околу скандалите поврзани со семејството Бекам. Секој ден се појавуваат нови обвинувања упатени до членовите на семејството, но и тврдења на нивни блиски луѓе за целата оваа замрсена ситуација.
Сега се појави видео во кое јасно се гледа како Викторија Бекам ја понижува својата снаа пред бројни луѓе.
Станува збор за видео од црвен килим во Лондон од 2023 година, од премиерата на серијата на Нетфликс Beckham, каде што јасно се гледа непријатна сцена меѓу Викторија Бекам, нејзиниот син Бруклин и неговата сопруга Никола Пелц.
Додека Бруклин и Никола стојат рамо до рамо, Викторија видно се оддалечува, го врти телото на спротивната страна и прави дистанца што невозможно е да не се забележи. Никола изгледа збунето, додека Бруклин, на работ на солзите, се обидува со поглед и гестови да ѝ го привлече вниманието на мајка му. Иако на крајот им се насмевнал на фотографите, многумина забележале колку тешко му паднала ситуацијата.
На крајот, Викторија зазема поза свртена кон Дејвид Бекам и остатокот од семејството, оставајќи ги синот и снаата на страна. Токму тој момент предизвикал лавина коментари – од такви што тврдат дека станува збор за ладна, намерна порака до оние што сметаат дека сето тоа е дел од протоколот за позирање.
Но најголемо внимание привлекол еден детаљ, кој често се провлекува во коментарите: Викторија никогаш не покажувала ваква дистанца кон помладите синови, ќерката Харпер, ниту кон тогашната девојка на Ромео Бекам, манекенката Миа Реган, со која била исклучително блиска. Истото важи и за актерката Клои Грејс Морец, која Викторија јавно ја поддржувала додека била со Бруклин.
Сега е сосема јасно како стојат работите во семејството Бекам – Пелц
Семејното појавување на таа премиера тогаш беше протолкувано како знак за смирување по бурната венчавка на Бруклин и Никола во 2022 година. Денес, по неговите изјави, истите видеа и фотографии добиваат сосема ново значење – како дел од внимателно граден имиџ, а не вистинска хармонија.
Во својата објава Бруклин навел дека првпат во животот застанал зад себе, нагласувајќи дека неговите родители со години го контролирале начинот на кој семејството се претставува во јавност, додека вистинските проблеми ги туркале под килим. Истакнал и дека дури со сопругата пронашол мир и излез од долгогодишната анксиозност.
Особено го посочил скандалот околу венчаницата, тврдејќи дека Викторија во последен момент одбила да дизајнира фустан за снаата, иако прво се шпекулираше дека Никола била таа што го одбила нејзиниот дизајн. Тогаш, Никола се обидела да ја смири јавноста, објаснувајќи дека проблемот бил исклучиво во роковите, но Бруклин сега го тврди спротивното.
