Изгледа дека Софија Вергара има нова љубов во животот.
Таа е фотографирана на средба со маж за кого Page Six дознава дека е ортопедскиот хирург Џастин Салиман.
51-годишната актерка и докторот се фотографирани како се упатуваат на вечера во Беверли Хилс, Калифорнија, во близина на местото каде што Ким Кардашијан го прослави својот 43-ти роденден. Меѓутоа, актерката не била на списокот на гости на роденденската забава, туку случајно се нашла во близина.
За состанокот со докторот, Вергара носеше црн корсет од тантела, панталони и штикли.
Џастин претходно беше во брак со актерката Бри Тарнер, позната по улогите во Грим и Грдата вистина. Тие поминаа десет години заедно и се разведоа во 2018. Имаат две деца.
Да потсетиме, Софија и Џо Манганиело во јули годинава објавија дека се разведуваат по седум години брак.
„Ја донесовме тешката одлука да се разведеме. Како две лица кои многу се сакаат и се грижат еден за друг, љубезно бараме да се почитува нашата приватност во овој момент додека поминуваме низ оваа нова фаза од нашиот живот“, рекоа тие во заедничка изјава за медиумите.
