Сообраќајната полиција опреми две возила со системот PolCam, внатрешен уред дизајниран за контрола и мониторирање на сообраќај и прекршоци на возила во движење, а од овој месец МВР почна со инсталирање на камери со кои ќе се ловат возачите кои ќе прават сообраќајни прекршоци.

Новите сообраќајни камери ќе бидат поставени во Скопје, Куманово и Тетово, како и на автопатите, а во главниот град ќе се постават во рамките на проектот „Безбеден град “.

Камерите се уште не се во функција, а МВР не открива на кои локации ќе бидат монтирани.

Во постапка е и уредувањето на начинот на испраќање на доказниот материјал до оној кој го сторил прекршокот.